Mjeshtër në Kosovë dhe Shqipëri për diasporën
Ke shtëpi në Kosovë ose në Shqipëri dhe jeton në Zvicër, Gjermani, Itali apo diku tjetër? Përshkruaje punën që duhet bërë, shto foto dhe merr oferta nga mjeshtrit që punojnë në komunën tënde. Ofertat i krahason nga telefoni dhe flet me mjeshtrin në platformë, para se ta pranosh ofertën.
Posto kërkesën për shtëpinë në Kosovë ose në Shqipëri
Si funksionon nga jashtë
Përshkruaje punën me foto ose me ndihmën e dikujt në vend
Shkruaj çfarë duhet bërë dhe shto foto. Nëse s'ke foto të reja, kërkoji një të afërmi ose fqinji — mjeshtri e llogarit ofertën nga ajo që sheh. Te forma zgjedh «Jetoj jashtë vendit», që mjeshtri ta dijë që në fillim.
Krahaso ofertat
Ofertat vijnë me çmim dhe afat. I sheh te kërkesa jote, nga telefoni, kudo që je, dhe e pyet mjeshtrin në bisedë para se të vendosësh.
Ndiq punën me foto dhe mesazhe në platformë
Kërkoji mjeshtrit foto para, gjatë dhe pas punës. Biseda mbetet në platformë, ndaj marrëveshja dhe fotot janë në një vend.
Para se të pranosh ofertën
- Kush e sheh punën në vend — një i afërm, një fqinj, apo vetë mjeshtri me foto të përditshme?
- Afati: kur fillon dhe kur mbaron puna, sidomos nëse vjen në vendlindje vetëm në verë.
- Fotot para dhe pas: merreni vesh që në fillim cilat foto i dërgon mjeshtri dhe kur.
- Pagesa: si dhe kur paguhet mjeshtri. Kryje nuk e mban pagesën — e merrni vesh drejtpërdrejt.
- Materialet: kush i blen, dhe si i sheh ti faturat.
Më shumë te rinovimi i shtëpisë nga diaspora dhe te lista e kontrollit para kontraktimit.
Posto kërkesën për shtëpinë në Kosovë ose në Shqipëri
Punë që organizohen lehtë nga larg
Mjeshtër sipas komunës
Pyetje të shpeshta
A mund ta postoj kërkesën nga Zvicra, Gjermania apo Italia?
Po. Kërkesa postohet nga kudo; zgjedh komunën ose bashkinë ku ndodhet shtëpia, në Kosovë ose në Shqipëri. Llogarinë e hap me numrin e telefonit të vendit ku jeton ose me email.
Si e ndjek punën pa qenë në vend?
Me bisedën në platformë: kërkoji mjeshtrit foto para, gjatë dhe pas punës. Nëse ke dikë në vend, le ta shohë punën para pagesës së fundit.
Si paguhet mjeshtri nga jashtë?
Kryje nuk e mban pagesën. E merrni vesh me mjeshtrin para se ta pranosh ofertën — p.sh. me transfer bankar ose përmes dikujt në vend. Paguaj sipas fazave të punës, jo gjithçka përpara.
Kush i blen materialet?
Varet nga marrëveshja: mjeshtri mund t'i blejë dhe t'i përfshijë në ofertë, ose i blen dikush nga familja. Shkruaje te kërkesa, që ofertat të krahasohen njësoj.