Si funksionon Kryje

Kryje lidh klientët me mjeshtër në mbarë Kosovën. Klienti përshkruan punën që i duhet, mjeshtrit e shohin kërkesën dhe dërgojnë ofertat e tyre, dhe klienti zgjedh atë që i përshtatet. Platforma nuk i cakton çmimet dhe nuk e kryen vetë punën — ajo mban takimin, bisedën dhe historikun e saj në një vend.

Publikimi i një kërkese dhe marrja e ofertave janë falas për klientët. Për mjeshtrit, llogaria dhe dërgimi i ofertave janë falas; paguhen vetëm promovimet dhe abonimet opsionale që e rrisin dukshmërinë e profilit.

Gjashtë hapa, dhe secili e ndryshon statusin e kërkesës:

1. Klienti publikon kërkesën me përshkrim, komunë dhe foto nëse ka.
2. Mjeshtrit e interesuar dërgojnë oferta me çmimin e tyre.
3. Klienti krahason ofertat dhe bisedon me mjeshtrit në chat.
4. Klienti pranon një ofertë dhe puna fillon.
5. Mjeshtri e kryen punën dhe kërkesa shënohet e përfunduar.
6. Klienti e vlerëson mjeshtrin; vlerësimi mbetet publik te profili.

Statusi tregon ku ndodhet puna: HAPUR — e publikuar dhe pret oferta. NË DISKUTIME — ka oferta dhe bisedë në vazhdim. DUKE PUNUAR — oferta u pranua dhe puna ka filluar. E VLERËSUAR — puna përfundoi dhe klienti la vlerësimin. MBYLLUR — çështja u mbyll. ANULUAR — kërkesa u tërhoq para se të përfundonte.

Klient do të thotë se kërkon shërbime. Regjistrimi bëhet me email ose me numër telefoni — të dyja rrugët janë të barasvlershme.

1. Hap faqen e regjistrimit dhe zgjidh në krye Telefon ose Email.
2. Plotëso emrin e plotë, emrin e përdoruesit dhe fjalëkalimin — mjaftojnë 6 karaktere, pa simbole dhe pa shkronja të mëdha.
3. Te lloji i llogarisë zgjidh Klient.
4. Fotoja e profilit është opsionale dhe shtohet edhe më vonë.
5. Konfirmo llogarinë me kodin që merr, nëse verifikimi është i aktivizuar.

I njëjti formular, me një ndryshim që ka rëndësi: te lloji i llogarisë zgjidh Mjeshtër dhe përzgjidh kategoritë në të cilat punon. Kategoritë vendosin te cilat kërkesa shfaqesh, ndaj zgjidhi ato që i punon vërtet.

1. Hap faqen e regjistrimit dhe zgjidh në krye Telefon ose Email.
2. Plotëso emrin e plotë, emrin e përdoruesit dhe fjalëkalimin — mjaftojnë 6 karaktere, pa simbole dhe pa shkronja të mëdha.
3. Te lloji i llogarisë zgjidh Mjeshtër.
4. Përzgjidh një ose më shumë kategori pune — p.sh. punë elektrike, hidraulikë, lyerje.
5. Ngarko një foto profili; profilet me foto marrin dukshëm më shumë besim.
6. Konfirmo llogarinë dhe plotëso përshkrimin te profili.

Po. Hyrja me Google ose Facebook është e mundur nga e njëjta faqe. Herën e parë të kërkohet të konfirmosh të dhënat e llogarisë para se ajo të krijohet.

Është konfirmimi se emaili ose numri është yti. Shkruaje kodin te faqja e verifikimit. Kodi ka afat, ndaj nëse skadon kërko një të ri nga e njëjta faqe. Nëse nuk e gjen emailin, kontrollo dosjen e postës së padëshiruar.

Lloji i llogarisë caktohet gjatë regjistrimit. Nëse të duhet i ndryshuar, na shkruaj përmes faqes së kontaktit dhe administratori e rregullon.

Nga butoni për kërkesë të re, pasi të jesh kyçur.

1. Zgjidh kategorinë që i përgjigjet punës.
2. Shkruaj një titull të shkurtër dhe një përshkrim konkret.
3. Zgjidh komunën ku do të kryhet puna.
4. Shto foto të vendit — ato e ulin ndjeshëm numrin e pyetjeve.
5. Shëno buxhetin nëse ke një në mendje, ose lëre bosh për të parë çmimet e tregut.
6. Publikoje. Kërkesa kalon në statusin HAPUR dhe mjeshtrit e shohin.

Sa më konkret, aq më pak pazare më vonë. Shkruaj çfarë duhet bërë, sa e madhe është puna, çfarë materiali ka tashmë, dhe kur do ta doje. Një përshkrim si «duhet ndërruar priza» merr oferta të përafërta; «duhen ndërruar 6 priza në një banesë 70 m², materiali blihet nga unë» merr oferta të përdorshme.

Varet nga kategoria dhe komuna. Në kategoritë me shumë mjeshtër aktivë ofertat e para vijnë brenda pak orësh. Nëse pas një dite nuk ke marrë asnjë, zakonisht ndihmon zgjerimi i përshkrimit ose kontrolli që kategoria të jetë e duhura.

Te kërkesa jote shfaqet çdo ofertë me çmimin dhe mjeshtrin që e dërgoi. Hap profilin e mjeshtrit për të parë vlerësimet, punët e kryera dhe përshkrimin. Çmimi më i ulët nuk është gjithmonë më i miri — shiko edhe historikun.

Çdo ofertë ka bisedën e vet. Chat-i është brenda platformës, ndaj historiku mbetet i regjistruar nëse diçka kundërshtohet më vonë. Detajet e çmimit dhe afatit është mirë të mbeten aty, jo në telefon.

Pranon ofertën që të përshtatet. Kërkesa kalon në DUKE PUNUAR, mjeshtri njoftohet, dhe ofertat e tjera mbyllen. Pas përfundimit të punës të kërkohet ta vlerësosh mjeshtrin.

Po, përderisa nuk ka përfunduar. Kërkesa kalon në ANULUAR dhe nuk u shfaqet më mjeshtrave. Nëse kishe pranuar tashmë një ofertë, njoftoje mjeshtrin në chat përpara se ta anulosh.

Vlerësimet janë e vetmja gjë që e dallon një mjeshtër të mirë nga një i panjohur për klientin e radhës. Një vlerësim i sinqertë — edhe kur nuk është i shkëlqyer — e mban listën të përdorshme për të gjithë.

Profili është arsyeja pse një klient të zgjedh ty mes disa ofertave. Tre gjëra peshojnë më shumë: fotoja, përshkrimi dhe kategoritë e sakta.

1. Vendos një foto të vërtetë — profilet pa foto anashkalohen.
2. Shkruaj një përshkrim që thotë çfarë punon dhe prej sa kohësh.
3. Zgjidh saktë kategoritë; ato vendosin te cilat kërkesa shfaqesh.
4. Shto komunën ku punon.
5. Ngarko foto të punëve të kryera kur ke.

Te lista e kërkesave shfaqen ato të hapura. Mund t'i filtrosh sipas kategorisë dhe komunës. Kërkesat në kategoritë e tua janë ato ku ke më shumë gjasa të pranohesh.

Hap kërkesën dhe dërgo ofertën me çmimin tënd.

1. Lexo përshkrimin dhe fotot me kujdes para se të japësh çmim.
2. Nëse diçka s'është e qartë, pyet në chat përpara se të ofertosh.
3. Jep një çmim që mund ta mbash — ulja e çmimit për ta fituar punën dhe rritja më vonë është mënyra më e shpejtë për një vlerësim të dobët.
4. Dërgoje. Klienti e sheh ofertën bashkë me profilin tënd.

Zakonisht janë tre arsye: profili është bosh ose pa foto, çmimi është dhënë pa pyetur për detajet, ose oferta erdhi vonë. Kërkesat e freskëta marrin më shumë vëmendje sesa ato disa ditëshe.

Pas përfundimit të punës klienti të vlerëson. Vlerësimet shfaqen te profili publik dhe janë faktori kryesor që bind klientin e radhës. Ato nuk fshihen nga mjeshtri — prandaj puna e mirë paguhet dy herë.

Niveli llogaritet nga puna e kryer dhe vlerësimet e marra, dhe shfaqet si shenjë te profili. Nuk blihet — rritet vetëm me punë të përfunduara dhe vlerësime të mira.

Janë opsionale dhe e rrisin dukshmërinë: profili yt shfaqet më lart te listat, globalisht ose brenda një kategorie. Nuk ndikojnë te vlerësimet dhe nuk e zëvendësojnë profilin e plotë. Nëse pagesa online nuk është e aktivizuar, hapet forma për të kontaktuar administratorin, i cili e aktivizon manualisht.

Nga faqja e hyrjes zgjidh rikthimin e fjalëkalimit dhe ndiq lidhjen ose kodin që merr. Nëse llogaria është hapur me Google ose Facebook, fjalëkalimi menaxhohet atje, jo këtu.

Te faqja e profilit mund të ndryshosh emrin, foton, përshkrimin, komunën dhe — për mjeshtrit — kategoritë. Ndryshimet ruhen menjëherë dhe shfaqen te profili publik.

Njoftimet shfaqen brenda platformës te zilja në krye. Sipas konfigurimit mund të marrësh edhe email ose SMS për ngjarjet kryesore, si një ofertë e re ose pranimi i ofertës sate.

Po. Na shkruaj nga faqja e kontaktit me llogarinë me të cilën je kyçur dhe kërkesa procesohet. Kërkesat dhe vlerësimet e lidhura trajtohen sipas politikës së privatësisë.

Mbaje bisedën brenda platformës derisa të merreni vesh. Çmimi, çfarë përfshin, kush e blen materialin dhe afati — të katërta të shkruara në chat. Historiku mbetet dhe është prova e vetme nëse diçka kundërshtohet.

Mos e vazhdo punën dhe na njofto nga faqja e kontaktit, duke përmendur kërkesën përkatëse. Administratori mund të shqyrtojë bisedën dhe të marrë masa mbi llogarinë.

Jo. Pagesa për punën bëhet mes klientit dhe mjeshtrit, jashtë platformës. Pagesat brenda platformës kanë të bëjnë vetëm me promovimet dhe abonimet e mjeshtrave.

Llogaritë verifikohen me email ose telefon kur verifikimi është i aktivizuar, dhe profilet mbajnë vlerësime publike të pandryshueshme nga mjeshtri. Kjo nuk zëvendëson gjykimin tënd: shiko vlerësimet dhe punët e kryera para se të vendosësh.