Kalo te përmbajtja
Pastrim dhe mirëmbajtje

Si ta heqësh mykun nga muri

Njolla të zeza në qoshe, pas dollapit ose rreth dritares? Është myk. Njollat e vogla i pastron vetë për gjysmë ore, dhe me ajrosje të mirë nuk kthehen.

  • Vështirësia: E lehtë
  • Koha: 45 min
  • Me video

Pse del myku

Myku rritet ku ka lagështi dhe ajër që s'lëviz: në qoshet e dhomave të gjumit, pas dollapëve, rreth dritareve dhe në banjo. Në dimër, kur shtëpia ngrohet dhe ajroset pak, avulli kondensohet në muret e ftohta. Pastrimi e heq njollën, ajrosja e mban larg.

Hapat

  1. Vish dorezat, maskën dhe syzet, hap dritaret dhe largoji mobiljet nga muri.
  2. Lagi lehtë njollat me ujë nga spërkatësi, që sporet të mos ngrihen në ajër kur fshin.
  3. Spërkate mjetin kundër mykut ose uthullën e bardhë mbi gjithë njollën dhe rreth 10 cm më gjerë.
  4. Lëre të veprojë 10–15 minuta, ose sa shkruan në etiketë.
  5. Fshije me sfungjer ose furçë të butë, nga skajet kah mesi i njollës. Shpëlaje ose ndërroje sfungjerin shpesh.
  6. Shpëlaje murin me leckë të lagur me ujë të pastër dhe thaje me leckë të thatë.
  7. Lëri dritaret hapur derisa muri të thahet plotësisht, pastaj hidhi sfungjerët dhe leckat në qese të mbyllur.
  8. Vendosi mobiljet 5–10 cm larg murit dhe ajrose dhomën çdo ditë me dritaret krejt hapur për 5–10 minuta.

Kur ta thërrasësh mjeshtrin

  • Kur myku zë më shumë se një metër katror ose kthehet pas pak javësh.
  • Kur muri është i lagur ose suvaja fryhet e bie: mund të ketë rrjedhje uji ose lagështi nga toka.
  • Kur myku del te muri i jashtëm çdo dimër: zakonisht duhet izolim i fasadës.
  • Kur në shtëpi ka fëmijë të vegjël, të moshuar ose dikë me astmë.

Gjej një profesionist për pastrim dhe mirëmbajtje

Mjeshtër me vlerësime reale nga klientët e platformës. Shiko profilin, krahaso, ose posto kërkesën dhe lëri ata të të gjejnë.